ნატოს გენერალური მდივანი მარკ რუტე კიევში ჩავიდა, იმ ფონზე, როდესაც რუსეთმა ღამით უკრაინის წინააღმდეგ მასშტაბური საჰაერო იერიში განახორციელა.
ვიზიტი ემთხვევა პერიოდს, როდესაც უკრაინა და რუსეთი ამ კვირაში მორიგი მოლაპარაკებებისთვის ემზადებიან.
პრეზიდენტის ადმინისტრაციის ინფორმაციით, მარკ რუტემ და უკრაინის პრეზიდენტმა ვოლოდიმირ ზელენსკიმ მაიდან ნეზალეჟნოსტიზე მდებარე მემორიალთან სანთლები დაანთეს და დაღუპულ უკრაინელ სამხედროებს პატივი მიაგეს.
დაგეგმილია უკრაინის, აშშ-ისა და რუსეთის წარმომადგენლების შეხვედრა აბუ-დაბიში, 4–5 თებერვალს.