რადიო თავისუფლების ევროპის ოფისის რედაქტორის, რიკარდ იოზვიაკის, განცხადებით, ევროკავშირის ქვეყნებმა საქართველოს დიპლომატიური პასპორტებისთვის უვიზო მიმოსვლის შეჩერებას მხარი დაუჭირეს. ამის შესახებ იოზვიაკმა სოციალური მედიის პლატფორმა X-ზე დაწერა.
„ევროკავშირის წევრმა სახელმწიფოებმა საქართველოს დიპლომატიური პასპორტების მფლობელებისთვის ვიზალიბერალიზაციის შეჩერებას მხარი დაუჭირეს. წინააღმდეგი მხოლოდ უნგრეთი და სლოვაკეთი იყო. გადაწყვეტილება ძალაში მარტის დასაწყისში შევა“, – დაწერა X-ზე რიკარდ იოზვიაკმა.