{{ARTICLEIMAGE}}
“სისხლის სამართლის კანონით გათვალისწინებული ქმედების არარსებობის გამო, ვინაიდან არ დადასტურდა დანაშაულის არსებობა, სისხლის სამართლის 13 საქმეზე გამოძიება შეწყდა, მათ შორის: მცხეთაში, ერთ-ერთი საარჩევნო უბნის მიმდებარე ტერიტორიაზე, ოპოზიციის წარმომადგენლის მიმართ ძალადობის ფაქტზე; ადიგენში ოპოზიციის წარმომადგენლების ავტომანქანების საბურავების დაზიანების ორ ფაქტზე; ბათუმში, საარჩევნო უბნების მიმდებარედ მმართველი პარტიის წარმომადგენლების მიმართ ძალადობის ორ ფაქტზე; აბაშის საარჩევნო ოლქში, მე-10 უბანში, მმართველი პარტიიდან საკრებულოს წევრის მიერ ხმის მიცემის ფარულობის შესაძლო დარღვევის ფაქტზე; გურჯაანის რაიონის სოფელ ჩუმლაყში ე.წ. სასიგნალო იარაღიდან გასროლის ფაქტზე; ბათუმში, საარჩევნო უბანთან მმართველი პარტიის კოორდინატორის ავტომანქანის დაზიანების ფაქტზე; ბოლნისში, საარჩევნო უბნის მიმდებარე ტერიტორიაზე, ოპოზიციის მხარდამჭერის მიმართ განხორციელებულ ძალადობის ფაქტზე; რუსთავში, საარჩევნო უბანში, ოპოზიციის წარმომადგენლების უკანონოდ შეჭრისა და კომისიის მუშაობისთვის ხელის შეშლის ფაქტზე; ლაგოდეხში, ოპოზიციის ოფისის მიმდებარე ტერიტორიაზე, ე.წ. სასიგნალო იარაღიდან გასროლის ფაქტზე; თბილისში, დიდუბის რაიონში, ერთ-ერთ საარჩევნო უბანში “წწწ.ონ.გე”-ის ჟურნალისტის მიმართ განხორციელებულ ძალადობის ფაქტზე; თბილისში, გლდანის რაიონში, საარჩევნო უბანში ფანჯრის მიზნის დაზიანების ფაქტზე. სულ არჩევნებთან დაკავშირებულ ინციდენტებზე სისხლის სამართლის პასუხისგებაში მიცემულია 26 პირი, რომელთა შორის არიან როგორც მმართველი პარტიის, ასევე, ოპოზიციის მხარდამჭერები”,წერია შსს-ს ინფორმაციაში.