სპეციალური პენიტენციური სამსახურის ახალ უფროსად რამაზ თათარაშვილი დაინიშნა. ის 2026 წლის ივნისიდან ამ დრომდე შიდა ქართლის პოლიციის დეპარტამენტის დირექტორი იყო, მანამდე კი მუშაობდა იმერეთის პოლიციის დეპარტამენტის დირექტორად, სამცხე-ჯავახეთის პოლიციის დეპარტამენტის დირექტორად და ასევე სპეცდანიშნულების რაზმში.
თათარაშვილი სპეციალური პენიტენციური სამსახურის უფროსად მას შემდეგ დანიშნეს, რაც დღეს ცნობილი გახდა, რომ ეს პოსტი დატოვა გიორგი პატარიძემ. მან იუსტიციის მინისტრ პაატა სალიას გადადგომის განცხადებით მას შემდეგ მიმართა, რაც პროკურატურამ, იუსტიციის სამინისტროს, პატარიძის უფლებამოსილების შეჩერება მოსთხოვა.
ეს გადაწყვეტილება პირდაპირ უკავშირდება პატიმარ დავით ფეიქრიშვილის საქმეზე მიმდინარე ხმაურიან გამოძიებას. საქმე ეხება გლდანის ციხეში ფეიქრიშვილის ფიზიკური შეურაცხყოფის ფაქტს, რომელშიც პატიმრის მხარე ციხის ადმინისტრაციასა და კრიმინალურ ავტორიტეტებს შორის შესაძლო კავშირებზე მიუთითებდა.