ტურინის იუვენტუსის ხელმძღვანელობა ლივერპულის ეგვიპტელი თავდამსხმელის, მოჰამედ სალაჰის შეძენაში იმდენად დაინტერესებულია, რომ მზად არის მასში 200 მილიონი ევრო გადაიხადოს. პოტენციური ტრანსფერი შესაძლოა ფეხბურთის ისტორიაში ერთ–ერთი ყველაზე ძვირადღირებული გარიგება აღმოჩნდეს. ის ორჯერ უფრო მეტია, ვიდრე 2018 წლის ზაფხულში იუვენტისის მიერ კრიშტიანუ რონალდუს ტრანსფერში რეალისთვის გადახდილი 100 მილიონი ევრო.
იუვენტუსის ხელმძღვანელობა ეგვიპტელი ფეხბურთელის კანდიდატურას 25 წლის თავდამსხმელის, პაოლო დიბალას შემცვლელად განიხილავს, რომლის შეძენითაც თავის მხრივ მადრიდის რეალია დაინტერესებული.
26 წლის სალაჰი იტალიის ჩემპიონატში უკვე მონაწილეობდა. ლივერპულში გადასვლამდე ეგვიპტელი ფიორენტინასა და რომას გუნდებში თამაშობდა. ინგლისის ამჟამინდელი ჩემპიონატის გათამაშებაში კი ფორვარდმა 26 მატჩი ჩაატარა. მის ანგარიშზეა 17 გოლი და შვიდი შედეგიანი გადაცემა.