ნინი ქარსელაძის კონცერტს ყვარლის მუნიციპალიტეტი ახალსოფლის დღესასწაულის აღსანიშნავად გამართავს.
კონცერტი 30 აპრილს გაიმართება და ის ადგილობრივ ბიუჯეტს 6 249 ლარი უჯდება.
“რამდენადაც მომღერალი ნინი ქარსელაძე-ჟორდანია სარგებლობს დიდი პოპულარობით, ღონისძიების ფორმატის გათვალისწინებით, აღნიშნული კონცერტი შექმნის სადღესასწაულო განწყობას, როგორც მოწვეული სტუმრებისთვის, ასევე ადგილობრივი მოსახლეობისათვის”, —აღნიშნულია მუნიციპალიტეტის მიერ მომღერალის კონცერტის გამართვის დასაბუთებაში.