“ქართული ოცნების” თავმჯდომარე, ბიძინა ივანიშვილი ტიკ-ტოკის ვიდეოს შემდეგ პირველად გამოჩნდა. პაარტიის ოფიციალური გვერდი აქვეყნებს ივანიშვილის მისალოც წერილს, რომლითაც ოლიგარქი მსახიობ კახი კავსაძეს დაბადების დღეს ულოცავს.
“უდიდესი სიყვარულითა და პატივისცემით ვულოცავ დაბადების დღეს დიდ არტისტს და დიდ კაცს – კახი კავსაძეს.
მადლობა იმ სითბოსა და სიკეთისთვის, რომელსაც მისი თითოეული გამოჩენა გვანიჭებს ქართველებს, იმედითა და სიყვარულით გვავსებს. კახი კავსაძის მიერ უნიკალური ოსტატობითა და საოცარი გულწრფელობით შექმნილი სახეები კინოსა და თეატრში ქართული კულტურის საგანძურში კუთვნილ და გამორჩეულ ადგილს იკავებს.
ბატონი კახი ყველა ღირსებით შემკული ადამიანია – კაცთმოყვარე და სამშობლოს მოყვარული, ნიჭიერი და შრომისმოყვარე, უღალატო მეგობარი და უბრალოდ ერთგული კაცი.
კიდევ ერთხელ ვულოცავ დაბადების დღეს ჩემი და ჩემი მეუღლის საყვარელ მეგობარს, მთელი ჩემი ოჯახისთვის ძვირფას ადამიანს – კახი კავსაძეს. ვუსურვებ ჩვეულ მხნეობას, შემართებას და დიდხანს სიცოცხლეს.
ბიძინა ივანიშვილი”
ცნობისთვის, რამდენიმე კვირის წინ
ბიძინა ივანიშვილის შვილმა, ბერა ივანიშვილმა სოციალურ ქსელ ტიკ–ტოკში ატვირთა ვიდეო, სადაც მამაშვილი ე.წ. secret handshake–ის რიტუალს ასრულებს და ცეკვის ილეთებსაც აყოლებს.
