“კავკასუს ონლაინის” დირექტორის, რევაზ კობალაძის განცხადებით, კომპანიისთვის დროებითი მმართველის დანიშნვა უსამართლო გადაწყვეტილება და ანგარიშსწორებაა. მისი თქმით, მესაკუთრე სიმართლის დასადგენად საერთაშორისო არბიტრაჟს მიმართავს.
“კონკრეტულ მოტვებზე ლაპარაკი მე დღეს მიჭირს, თუმცა, უსამართლოა ცალსახად. გუშინდელი სხდომა მანიშნებელია იმის, რომ ეს იყო არა საღ აზრზე და კონკრეტულ ამოცანაზე დაფუძნებული გადაწყვეტლება, არამედ ეს იყო პირდაპირ მნიშვნელოვანი ანგარიშსწორება კომპანიის წინააღმდეგ. რა თქმა უნდა, მესაკუთრე წავა საერთაშორისო არბიტრაჟშიც და იქ დაადგენს სიმართლეს”, – განაცხადა რევაზ კობალაძემ.
ცნობისთვის, კომუნიკაციების კომისიამ „კავკასუს ონლაინში“ სპეციალური მმართველი გუშინ დანიშნა. კომისიის ინფორმაციით, ამის მიზეზი ერთი წლის განმავლობაში კანონდარღვევის აღმოუფხვრელობაა.
მათივე ინფორმაციით, „კავკასუს ონლაინში“ სპეციალური მმართველი იმ დრომდე დაინიშნა, ვიდრე „კომპანიის კანონდარღვევით გასხვისებული წილის 49% პირვანდელ მდგომარეობაში არ დაბრუნდება და კანონის მოთხოვნა არ აღსრულდება.“
სპეციალურ მმართველს უფლება აქვს გაათავისუფლოს კავკასუს ონლაინის დირექტორი და სამეთვალყურეო საბჭოს წევრები. ასევე, უფლება აქვს სასამართლოში გაასაჩივროს კომპანიის მიერ ბოლო 1 წლის განმავლობაში მიღებული გადაწყვეტილებები და გარიგებები, მათ შორის წილის გასხვისებასთან დაკავშირებით.
გარდა ამისა, სპეციალურ მმართველოს შეუძლია შეაჩეროს ან შეცვალოს მოგებისა და დივიდენდების განაწილება