საქართველოს ნაკრების ყოფილი ფეხბურთელი და ტაშკენტის ფახთაქორის მთავარი მწვრთნელი, შოთა არველაძე კორონავირუსისგან განიკურნა. ამის შესახებ არველაძემ ცოტა ხნის წინ ფეისბუქ გვერდზე დაწერა.
“ბოლო ტესტის პასუხი უარყოფითია. კორონავირუსი დამარცხებულია. მადლობა ყველას, გამხნევებისთვის და თბილი კომენტარებისთვის. ყველას ჯანმრთელობას, ინფიცირებულებს კი მალე გამოჯანმრთელებას ვუსურვებ.“– წერს ფეხბურთელი.
23 სექტემბერს უზბეკურმა მედიამ გაავრცელა ინფორმაცია იმის შესახებ, რომ შოთა არველაძეს კორონავირუსი დაუდასტურდა. მოგვიანებით შოთა არველაძემ საკუთარ ფეისბუქგვერდზე დაწერა, რომ მას სწრაფმა ტესტმა უჩვენა დადებითი პასუხი და PCR ტესტის პასუხს ელოდებოდა.
