ევროკავშირის პროგრამის „EU NEIGHBOURS EAST“-ის ფარგლებში ჩატარებული საზოგადოებრივი აზრის ყოველწლიური კვლევის 2026 წლის შედეგებით, საქართველოში გამოკითხული მოქალაქეების უმრავლესობა – 71% საქართველოს ევროკავშირში გაწევრიანებას კვლავ ემხრობა, ხოლო კიდევ უფრო დიდ ნაწილს -79%-ს სჯერა, რომ ევროკავშირის წევრობა მეტ სარგებელს მოიტანს, ვიდრე ზიანს.
კვლევის შედეგებს საქართველოში ევროკავშირის წარმომადგენლობა ავრცელებს. კვლევა 2026 წლის იანვარ-თებერვალში მთელი ქვეყნის მასშტაბით შერჩეულ 1 000-ზე მეტ რესპონდენტთან პირისპირ ინტერვიუების საშუალებით ჩატარდა.
კვლევის შედეგებით ირკვევა, რომ „ევროკავშირი ქართველებისთვის კვლავ რჩება ყველაზე სანდო საერთაშორისო აქტორად, კერძოდ, მას გამოკითხულთა 67% ენდობა. თუმცა იკლო იმ ადამიანთა რიცხვმა, რომელთაც მიაჩნიათ, რომ ქვეყანას ევროკავშირთან კარგი ურთიერთობები აქვს (ეს მაჩვენებელი 2025 წელს 63%-ს შეადგენდა, წელს კი 60%-ზე ჩამოვიდა)”.
„მაშინ, როცა გამოკითხულთა უმრავლესობა მხარს უჭერს ევროკავშირში გაწევრიანებას, 49%-ს სჯერა, რომ საქართველო წევრობისკენ სწორი მიმართულებით არ მიიწევს. 56% კი ამბობს, რომ სამოქალაქო საზოგადოების ორგანიზაციებსა და მედიასთან დაკავშირებული ბოლოდროინდელი კანონები უარყოფითად აისახება გაწევრიანების პროცესზე. იმავე დროს, 87% თანხმდება, რომ საქართველომ ევროკავშირისკენ მიმავალ გზაზე წინსვლისთვის მეტი უნდა გააკეთოს.
საქართველოსადმი ევროკავშირის ფინანსური მხარდაჭერის შესახებ მოქალაქეთა ინფორმირებულობა კვლავ მაღალ ნიშნულზე, 70%-ზე რჩება და გამოკითხულთა თითქმის ნახევარი (48%) ამბობს, რომ ეს მხარდაჭერა ეფექტიანია. მოქალაქეების აზრით, ევროკავშირმა უფრო დიდი როლი უნდა შეასრულოს განათლებისა და უწყვეტი განათლების (38%), ეკონომიკური განვითარებისა და ვაჭრობის (34%) და ჯანდაცვის (33%) მიმართულებებით.
მაშინ, როცა ევროკავშირთან დაკავშირებულ სარგებელზე დადებითი აღქმა კვლავ მაღალია, 76% ევროკავშირთან სიახლოვეს ახალ შესაძლებლობებთან აკავშირებს, ხოლო 75% ამბობს, რომ გაწევრიანება ქვეყნის უსაფრთხოებას გააძლიერებს, გამოკითხულთა ყურადსაღები ნაწილი შეშფოთებასაც გამოთქვამს – 43% ამბობს, რომ ევროკავშირი საკუთარ ღირებულებებს ახვევს თავს და 51%-ს სჯერა, რომ ევროკავშირს ფარული ინტერესები აქვს.
გამოკითხვამ ასევე ცხადყო, რომ ევროკავშირის შესახებ ინფორმირებულობა შემცირებულია. კერძოდ, მხოლოდ 40% აღნიშნავს, რომ ბოლო პერიოდში გასცნობია ევროკავშირთან დაკავშირებულ ინფორმაციას (ეს მაჩვენებელი 2025 წელთან შედარებით 14 პროცენტული პუნქტითაა დაკლებული). გამოკითხულებმა ასევე გამოთქვეს შეშფოთება დეზინფორმაციაზე, რომელსაც 86% ეროვნული უსაფრთხოებისთვის საფრთხის შემცველად მიიჩნევს,“- ნათქვამია პროგრამა „EU NEIGHBOURS EAST”-ის მიერ გავრცელებულ ინფორმაციაში.
ინფორმაციისთვის, „EU NEIGHBOURS EAST” პროგრამა საქართველოსა და აღმოსავლეთ სამეზობლოს რეგიონის დანარჩენ ხუთ ქვეყანაში საზოგადოებრივი აზრის კვლევას 2016 წლიდან მოყოლებული ყოველწლიურად ატარებს.
უკრაინის პრეზიდენტი ვოლოდიმირ ზელენსკი მოქალაქეებს უსაფრთხოების ზომების გამკაცრებისა და თავშესაფრების აქტიური გამოყენებისკენ მოუწოდებს. ბრიუსელში, „რამშტაინის“ ფორმატისა და ევროპული საბჭოს სხდომების დასრულების შემდეგ გამართულ პრესკონფერენციაზე, ზელენსკიმ განაცხადა, რომ ვლადიმერ პუტინი პოლიტიკურად, ფიზიკურად და ბრძოლის ველზე სუსტდება, რის გამოც რუსეთის მხრიდან უკრაინის ქალაქებზე სარაკეტო და დრონებით დარტყმების გაძლიერებაა მოსალოდნელი.
დასავლური სამხედრო დახმარების ახალ ტალღასა და მოსკოვის რეგიონზე განხორციელებულ უპრეცედენტო იერიშს გამოეხმაურა რუსეთის საგარეო უწყების ხელმძღვანელი სერგეი ლავროვი. ყაზანში, საერთაშორისო სამიტის კულუარებში, ჟურნალისტებთან საუბრისას, ლავროვმა ღიად განაცხადა, რომ პუტინის პირდაპირი ბრძანებით, რუსეთის არმია გადადის უკრაინის სამხედრო და ინფრასტრუქტურული ობიექტების რეგულარულ, მასშტაბურ და კოორდინირებულ დაბომბვებზე, რათა ბოლომდე შეამციროს უკრაინის შეიარაღებული ძალების ბრძოლისუნარიანობა.
მიმაჩნია, რომ ყველა სწორი სიტყვა უკვე ნათქვამია. მაგრამ დარწმუნებული ვარ, რომ სიტყვები საკმარისი არ არის MFA Russia.შემთხვევითი არ არის, რომ რუსეთის პრეზიდენტმა ვლადიმერ პუტინმა გარკვეული დროის წინ (კიევის ტერორისტის მორიგი გამოხტომის შემდეგ) გამოაცხადა, რომ ჩვენ ახლა რეგულარულ საფუძველზე განვახორციელებთ მასირებულ ჯგუფურ დარტყმებს იმ მიზნებზე, რომელთა მდგომარეობაზეც პირდაპირ არის დამოკიდებული უკრაინის შეიარაღებული ძალების ბრძოლისუნარიანობა Interfax.ეს ამოცანა დასახულია უმაღლესი მთავარსარდლის მიერ. ჩვენი შეიარაღებული ძალები ასრულებენ მას და კვლავაც შეასრულებენ