“ქართული ოცნების” პარლამენტმა „საზოგადოებრივი მაუწყებლის“ სამეურვეო საბჭოს წევრებად დავით ქართველიშვილი და გია მურღულია აირჩია. არჩეული პირები „საზოგადოებრივი მაუწყებლის” სამეურვეო საბჭოში საქმიანობას 2 ივლისიდან შეუდგებიან.
კერძოდ, „საზოგადოებრივი მაუწყებლის“ მეურვის პოზიციაზე „ხალხის ძალის“ კანდიდატი დავით ქართველიშვილი 83 ხმით დამტკიცდა. ხოლო „ქართული ოცნების“ კანდიდატი – გრიგოლ მურღულიას დამტკიცებას 84 მომხრე, 4 კი წინააღმდეგი ჰყავდა.
ამავე თანამდებობაზე ფრაქცია „საქართველოსთვის“ სამი კანდიდატი იყო წარმოდგენილი, რომლებმაც დასამტკიცებლად საკმარისი მხარდაჭერა ვერ მიიღეს.
კერძოდ, თეა გეგენავას კანდიდატურას – 12 მომხრე 5 წინააღმდეგი, ელისო გაბადაძის კანდიდატურას – 12 მომხრე, 8 წინააღმდეგი და თეიმურაზ კეკელიძის კანდიდატურას – 12 მომხრე, 7 წინააღმდეგი ჰყავდა.
შალვა პაპუაშვილმა განაცხადა, რომ „საზოგადოებრივი მაუწყებლის“ სამეურვეო საბჭოში ერთი ვაკანსია კიდევ დარჩა.
