რუსეთის გენერალურმა პროკურატურამ ამერიკული ფონდის — Human Rights Foundation-ის — საქმიანობა რუსეთის ტერიტორიაზე „არასასურველად“ გამოაცხადა. 2024 წლიდან ორგანიზაციას იულია ნავალნაია ხელმძღვანელობს.
რუსეთის გენერალურმა პროკურატურამ „არასასურველ ორგანიზაციად“ გამოაცხადა 2005 წელს შექმნილი ამერიკული ფონდი Human Rights Foundation (HRF).
ერთ-ერთ მიზეზად დასახელდა Tyranny Tracker-ის პროექტის დაწყება — ინტერაქტიური რუკა, რომელზეც ქვეყნების დემოკრატიული ღირებულებებისადმი ერთგულებაა ასახული. რუსეთის გენერალური პროკურატურის განცხადებით, ამ რუკაზე რუსეთი სრულად ავტორიტარულ სახელმწიფოდ არის მონიშნული.
უწყებაში ასევე განაცხადეს, რომ ფონდი ავრცელებს ინფორმაციას, რომელიც რუსეთის არმიის „დისკრედიტაციას“ ახდენს და მხარს უჭერს სხვა ორგანიზაციებსაც, რომლებიც რუსეთში უკვე „არასასურველად“ არიან გამოცხადებული.
არასამთავრობო ორგანიზაცია Human Rights Foundation მთელ მსოფლიოში ადამიანის უფლებების დაცვასა და ხელშეწყობაზე მუშაობს.
2024 წელს HRF-ის თავმჯდომარედ იულია ნავალნაია აირჩიეს. ამ თანამდებობაზე მან ჭადრაკში მსოფლიო ჩემპიონი და რუსი ოპოზიციონერი გარი კასპაროვი შეცვალა.