წარმოშობით რუს აქტივისტ დენის კულანინს რუსეთში არ დააბრუნებენ. ადამიანის უფლებების დამცველი გაერთიანება „უფლებები საქართველო“-ს ცნობით, თბილისის საქალაქო სასამართლოს მოსამართლემ ზეპირი განხილვის გარეშე დააკმაყოფილა შინაგან საქმეთა სამინისტროს მიგრაციის დეპარტამენტის მოთხოვნა შეწყალებული კულანინის ქვეყნიდან გაძევებასთან დაკავშირებით.
მიღებული გადაწყვეტილების თანახმად, აქტივისტს მიეცა 7 დღის ვადა, რომლის განმავლობაშიც მან ნებაყოფლობით უნდა დატოვოს საქართველოს ტერიტორია.
უფლებადამცველები კვლავ განაგრძობენ მისი უფლებების დაცვას მანამ, სანამ ის უსაფრთხოდ, მესამე ქვეყანაში არ გაემგზავრება.