საქართველოს შინაგან საქმეთა ყოფილი მინისტრი, ვანო მერაბიშვილი საკუთარ ფეისბუქგვერდზე ენმ-ს მაჟორიტარობის 4 კანდიდატს ასახელებს:
- ახალციხის, ადიგენის, ასპინძისა და ბორჯომის ოლქში — ვაჟა ჩიტაშვილი;
- საჩხერის, ჭიათურისა და ხარაგაულის ოლქში — გიორგი კაპანაძე;
- წყალტუბოს, სამტრედიის, ვანისა და ხონის ოლქში — დევი ჭანკოტაძე;
- გორსა და კასპში — ბადრი ბასიშვილი;
ვანო მერაბიშვილი პირად გვერდზე დეპუტატობის კანდიდატების ფეისბუქგვერდებს აზიარებს და მათ წარმატებებს უსურვებს.
აღნიშნული ინფორმაცია ჯერჯერობით არ დაუდასტურებია ნაციონალურ მოძრაობას.
„ქართული ოცნებიდან“ ახალციხის, ბორჯომის, ადიგენისა და ასპინძის მუნიციპალიტეტებში ანტონ ობოლაშვილი იყრის კენჭს; საჩხერის, ჭიათურისა და ხარაგაულის მუნიციპალიტეტებში – პაატა კვიჟინაძე; სამტრედიის, წყალტუბოს, ვანისა და ხონის მუნიციპალიტეტებში – გივი ჭიჭინაძე, ხოლო კასპისა და გორის (ვარიანის, ნიქოზის, ტირძნისის, სკრისა და შინდისის ადმინისტრაციული ერთეულების გარდა) მუნიციპალიტეტებში – გიორგი ხოჯევანიშვილი.