ინფორმაციის ზღვა ნაკადის მიუხედავად, ჩვენ ჯერ კიდევ არ გვაქვს საკმარისი ინფორმაცია ახალი კორონავირუსის შესახებ, რომელმაც მთელი მსოფლიო მოიცვა. მსოფლიოში კორონავირუსით ინფიცირებულთა ადამიანების რაოდენობა 552,943-ს აღწევს. გარდაცვლილთა რაოდენობა კი 25,045-ს შეადგენს.
“რა ვიცით და რა არ ვიცით ვირუსის შესახებ?” – ამ სათაურით Euronews – აქვეყნებს ვიდეოს.
• კორონავირუსი მარტივად გადამდებია და მთელ მსოფლიოში არის გავრცელებული
• ვირუსმა გავრცელება ჩინეთის ქალაქ ვუჰანიდან დაიწყო.
• ბევრ დაინფიცირებულს ვირუსი მსუბუქად ან საერთოდ არ აქვს გამოხატული, რის გამოც მისი აღმოჩენა რთულდება.
• ვიცით, რომ ვირუსი ბუნებრივად არის შექმნილი და არა ლაბორატორიაში.
კორონა ვირუსთან დაკავშირებით ბევრი პასუხგაუცემელი შეკითხვა არსებობს:
• არასაკმარისი კვლევების გამო, ჯერ კიდევ არ ვიცით, რამდენი არის დაინფიცირებული კორონავირუსით.
• ჩვენ არც ის ვიცით არის თუ არა კოვიდ 19 სეზონური ვირუსი და უნდა ველოდოთ თუ არა ზაფხულში ინფიცირებულთა რაოდენობის შემცირებას.
• არც ვიცით როგორია კორონავირუსის მკურნალობის გზები, ვაქცინამდე კი 18 თვე გვაშორებს.
შეგახსენებთ, რომ საქართველოში COVID-ით ინფიცირების პირეველი შემთხვევა 26 თებერვალს გამოვლინდა. ინფექციის მქონე საქართველოს მოქალაქე ქვეყანაში აზერბაიჯანის გავლით ირანიდან შემოვიდა.
ამ ეტაპზე საქართველოში კორონავირუსის 81 შემთხვევაა დაფიქსირებული და 13 გამოჯანმრთელებული პაციენტი გვყავს.