ბერძნულ-რომაული სტილით მოჭიდავე ზურაბ დათუნაშვილი მსოფლოს ჩემპიონია. მან
ფინალში მან ბელორუსი მეტოქე აშკარა უპირატესობით, ვადაზე ადრე – 9:1 დაამარცხა. ამჯერადაც მან ჯილდო სერბეთის სახელით მოიპოვა. ოფიციალურ ტურნირებზე წელს დათუნაშვილმა სერბეთის სახელით ზედიზედ მესამე მედალი მოიპოვა – ევროპის ოქრო, ოლიმპიადოს ბრონჯაო და მსოფლიოს ოქრო!
ზურაბ დათუნაშვილი სერბეთის სახელით მას შემდეგ ასპარეზობს, რაც იძულებული გახდა საქართველო დაეტოვებია, რადგან საქართველოს ჭიდაობის ფედერაციის პრეზიდენტი მას თავს დაესხა – 2019 წლის იანვარში საქართველოს ჩემპიონატზე გეგა გეგეშიძემ მას თავში დაარტყა.
გეგეშიძე 2019 წლის 22 იანვარს დააკავეს, თუმცა მალევე 5-ათასლარიანი გირაოთი გაათავისუფლეს
ზურაბ დათუნაშვილი ამბობდა, რომ გეგეშიძესთან დაპირისპირების მიზეზი ჭიდაობის ფედერაციაში კორუფცია იყო. ის ითხოვდა, გეგა გეგეშიძეს ჭიდაობის ფედერაციის პრეზიდენტის პოსტი დაეტოვებინა, თუმცა, უშედეგოდ.
2019 წლის აგვისტოში დათუნაშვილი სერბეთში გადავიდა და მას შემდეგ სერბეთის სახელით ასპარეზობს.