იუსტიციის მინისტრმა დღეს კომენტარი გააკეთა თანამდებობიდან მის წასვლასთან დაკავშირებით გავრცელებულ ინფორმაციაზე.
“შემიძლია ვთქვა, რომ არა, არ გადავმდგარვარ. თუმცა არის 4-5 დღის წინ გაჩენილი საკითხი, რომელიც ეხება ჩემი სამინისტროს უფლებამოსილების ფარგლებში გადასაწყვეტ საკითხს. ამ თემაზე მიმდინარეობს დისკუსია. მე მაქვს ჩემი მყარი პოზიცია, რომელიც არც რომელიმე ერთ რეფორმას, არც რომელიმე ერთ პროცესს ან პროცედურას მიმდინარეს ამჟამად თუნდაც პარლამენტში არ ეხება.
ეს არის ჩემთვის ძალიან მაშტაბური და მნიშვნელოვანი საკითხი და თუ ვნახე, რომ ჩემი პოზიცია არ იქნა გაზიარებული და ფასეულობათა წინააღმდეგობა იქნება, მე რა თქმა უნდა არ ვიფიქრებ არცერთ წუთს და გვერდზე გავიწევი, რადგან თანამდებობა არ არის ფასეულბა.
ეს საკითხი არის წმინდად იუსტიციის სამინისტროს ფარგლებში გადასაჭრელი თემა. ეს არ ეხება რომელიმე რეფორმას და რომელიმე პროცესს მათ შორის პარლამენტში მიმდინარეს. ამიტომაც თავს შევიკავებ ღიად საუბრისგან.
შიგნით ვმსჯელობთ აღმასრულებელი სტრუქტურების ფარგლებში ამ თემაზერაიმე ტრაგიკული არ ხდება . ეს არის ჯანსაღი პროცესი. თუ ვნახე რომ ჩემი პოზიცია არ იქნა გაზიარებული ვიტყვი რომ ვცდებოდი და სხვა შეასრულებს ჩემს უფლებამოსილებას.“ – განუცხადა დღეს ჟურნალისტებს თეა წულუკიანმა.
ინფორმაცია იმის შესახებ, რომ თეა წულუკიანს თანამდებობიდან უშვებენ უკვე ერთი კვირაა ვრცელდება. ჯერჯერობით ამ ინფორმაციას არავინ ადასტურებს, თუმცა ინფორმირებული წყაროების ინფორმაციით ახლო მომავალში ივანიშვილი სამთავრობო ცვლილებებს განახორციელებს.