პარტია „კანონი და სამართალის” თავმჯდომარე და საბურთალოს მაჟორიტარობის კანდიდატი თაკო ჩარკვიანი ვარაუდობს, რომ კორონავირუსი დეპუტატ ლევან გოგიჩაიშილისგან გადაედო.
მისი თქმით, გოგიჩაიშვილთან ერთად გადაცემაში იმყოფებოდა.
“2 სექტემბერს, ერთ-ერთ გადაცემაში ვიყავი და მიკროფონი, რომელიც ბატონ ლევან გოგიჩაიშვილს ეკეთა, შემდეგ მე გამიკეთეს. სხვა შეხება მასთან არ მქონია, მაგრამ მისი მიკროფონი მე გამიკეთეს.
დამეწყო არატიპიური სიმპტომები. ხველა არ მქონია თავიდან, მაგრამ შემდეგ ძალიან გამიმწვავდა.
გუშინწინ სასწრაფო მყავდა. სასწრაფო რომ მოვიდა, არც მახველებდა, არც სიცხე მქონდა. მერე ამიწია ტემპერატურამ, მაგრამ მაღალი სიცხე არ იყო – 37.3 გრადუსი მიფიქსირდებოდა”, – აცხადებს თაკო ჩარკვიანი “კურიერთან“.
ცნობისთვის, ლევან გოგიჩაიშვილსა და მის მეუღლეს კორონავირუსი 2 დღის წინ დაუდასტურდათ. დეპუტატი და მისი მეუღლე, ჟურნალისტი ვიკა ბუკია ბოჭორიშვილის კლინიკაში მკურნალობენ.