ეს უკვე მესამე მსგავსი შემთხვევაა ბოლო ერთი თვის განმავლობაში.
წინა კვირას გაითიშა „მონიტორის“ YouTube არხი, რომელიც მოგვიანებით აღადგინეს. მათ ამ შემთხვევაშიც „საავტორო უფლებების დარღვევას“ ედავებოდნენ, თუმცა როგორც გამოცემის რედაქტორი ნინო ზურიაშვილი ამბობს, დასახელებული არ ყოფილა, თუ რომელი მასალა არღვევდა უფლებებს
კიდევ ერთი ინციდენტი 1 ივლისს მოხდა, „ტრამპ ტაუერზე“ გამოძიების გამოქვეყნების შემდეგ, როდესაც მომხმარებელთა ჯგუფმა არალიცენზირებული ონლაინ კაზინოების ქსელთან ქართული სამშენებლო კომპანიების შესაძლო კავშირების შემცველი მასალების მასობრივი „დერეპორტება“ დაიწყო. მაშინ რედაქციამ ეს კოორდინირებულ კიბერშეტევად შეაფასა, რომლის შედეგადაც „მეტამ“ მათი რამდენიმე მასალა წაშალა.
სტუდია „მონიტორის“ გამგეობის თავმჯდომარე და რედაქტორი, ნინო ზურიაშვილი რადიო თავისუფლებასთან საუბარში აცხადებს, რომ მედიაპლატფორმა საერთაშორისო პარტნიორების დახმარებით ფეისბუკ-გვერდის სწრაფად აღდგენას ცდილობს.
„ეს ბრძოლის ახალი მეთოდია… დარწმუნებული ვარ, გვერჩის ის ხალხი, ვისზეც ტარდება ჟურნალისტური გამოძიებები“, – აღნიშნა მან 3 აგვისტოს.